Drone Online

KARIBU YAKO KWA HABARI ZA UHAKIKA,MAKALA,MICHEZO,MITINDO YA MAISHA NA BURUDANI

Post Page Advertisement [Top]


Korea Kaskazini imethibitisha satelaiti yake ya kwanza ya anga ya juu, imeanguka baharini.

Pyongyang ilitangaza mapema kuwa inapanga kurusha satelaiti yake ifikapo Juni 11 ili kufuatilia shughuli za kijeshi za Marekani.

Sasa inasema itajaribu kutuma nyingine ya pili haraka iwezekanavyo.

Hatua huiyo ilizua taharuki katika mji mkuu wa Korea Kusini Seoul, huku nchini Japan onyo lilitolewa kwa wakaazi wa Okinawa, kusini mwa nchi hiyo.

Kulikuwa na fujo na mkanganyiko mjini Seoul wakati watu wakiamshwa kwa sauti ya king'ora na ujumbe wa dharura ukiwaambia wajiandae kuondoka – lakini dakika 20 baadae waliambiwa ujumbe huo ulitumwa kimakosa.

Kumekuwa na mvutano baina ya nchi hizo mbili kwa miaka 70, na kilichotokea sasa kinaweza kuharibu imani ya watu katika mfumo wa tahadhari.

Korea Kaskazini ni tishio kwa Korea Kusini, na ikiwa kuna tahadhari katika siku zijazo swali moja linaloulizwa ni kama watu watalichukulia kwa uzito, au kupuuzwa.

Jeshi la Korea Kusini lilisema huenda roketi hiyo ilipasuka angani au kuanguka baada ya kutoweka kwenye rada mapema. Ilitoa picha za mabaki yaliyopatikana baharini.

Waziri Mkuu wa Japan Fumio Kishida alisema Korea Kaskazini inaonekana kurusha kombora la balistiki na kwamba serikali ilikuwa ikifuatilia maelezo hayo.

Katibu Mkuu wa Umoja wa Mataifa Antonio Guterres pia alilaani hatua hiyo, akisema matumizi yoyote ya teknolojia ya makombora ya balistiki ni "kinyume" na maazimio husika ya baraza la usalama.

Kiongozi wa Korea Kaskazini Kim Jong-un amebainisha utengenezaji huo wa satelaiti za kijeshi kama sehemu muhimu ya ulinzi wa nchi yake.

No comments:

Post a Comment

Bottom Ad [Post Page]